Wednesday, 7 January 2015

THE FUGITIVE - சினிமா விமர்சனம்




ஒரு அட்டகாசமான ஆக்சன் திரில்லர் படம் பார்க்கவேண்டுமா ? உடனே இந்த படத்தை டவுன்லோட் செய்து பாருங்கள் . MISSION IMPOSSIBLE , THE BOURNE SERIOUS , EDGE OF TOMMORROW போன்ற படங்களெல்லாம் இந்த படத்தின்முன் தூசி என்றுதான் சொல்லுவேன் . நான் பார்த்த ஆங்கில ஆக்சன் திரில்லர் திரைப்படங்களிலேயே , ஒருநிமிடம் கூட போர் அடிக்காமல் , அடுத்தது என்ன ? அடுத்தது என்ன ? என்று என்னை கட்டி இழுத்துச்சென்ற திரைப்படம் என்றால் அது FUGITIVE தான் .

என்னடா இவன் ஓவர் பில்டப் கொடுக்கிறான் என நினைக்கிறீர்களா ? பில்டப் கொடுப்பதற்கு ஏற்ற படம்தான் இது . படத்தின் துவக்கதில் ஒரு பெண்மணி கொலை செய்யப்படுவாள் .  அவளைக்கொலை செய்ததாகக்கூறி , அவளுடைய கணவர் டாக்டர் ரிச்சர்ட் என்பவரை கைது செய்து விசாரிப்பார்கள் . விசாரணையில் , ஒருகை மட்டும் கொண்ட ஒருவன்தான் தன் மனைவியைக்கொலை செய்ததாக ரிச்சர்ட் தெரிவிப்பார் . ஆனால் சாட்சியங்களும் , சூழ்நிலைகளும் ரிச்சர்டுக்கு எதிராக இருக்க , கோர்ட்டில் மரணதண்டனை அளித்துவிடுவார்கள் . ரிச்சர்டை , சிறைக்கு அழைத்துச்செல்லும்போது , அந்த வண்டியில் இருக்கும் மற்ற கைதிகள் , போலிசாரை அடித்துப்போட்டு தப்பிக்க முயற்சி செய்வார்கள் . அப்போது நடக்கும் மோதலில் , வண்டி ரயில் ரோட்டில் விழுந்துவிடும் . பின் அதிலிருந்து ரிச்சர்ட் தப்பித்து  , தன் மனைவியைக்கொலை செய்தவனை தேடிச்செல்வார் . அதேநேரம் தப்பித்தவர்களைப்பிடிக்க மார்ஷல் சாமுவேல் வருவார் . அவர் ஒரு கண்டிப்பான அதேநேரம் புத்திசாலியான போலிஸ் . அவருடைய கடமை , தப்பித்தோடிய கைதியான ரிச்சர்டைப்பிடிப்பது . அவர் ஒருபுறம் துரத்த , தன் மனைவியைக்கொன்றவனை ஒருபுறம் ரிச்சர்ட் தேட என்று அட்டகாசமாக படம் செல்லும் .



முதல் பத்துநிமிடங்கள் சாதாரண படமாகச்செல்லும் .  தண்டனைக்கைதிகள் தப்பிக்கமுயற்சிக்கும்போது பிடிக்கும் வேகம் , படம் முடிவடையும் வரை தொடரும் . வெறும் ஓட்டம் , சண்டை என்றில்லாமல் , லாஜிக்குடன் கூடிய மேஜிக்கான திரைக்கதையால் , இப்படம் அருமையாய் நம்மைப்பரவசப்படுத்தும் .  அந்த ரயில் விபத்துக்காட்சிகள் , அணையிலிருந்து ரிச்சர்ட் குதிக்கும் காட்சிகளெல்லாம் படத்தில் பார்க்கும் போது மயிர்க்கூச்சறியும் படியாக இருக்கும் . இத்தனைக்கும் அந்த ரயில்விபத்தை உண்மையான ரயிலைக்கொண்டு படமாக்கியிருக்கிறார்கள் . அதேபோல் ரிச்சர்ட் தப்பிக்க ஒரு ஐடியா போட , அதைக்கண்டுபிடிக்க சாமுவேல் போடும் ஐடியாக்கள் என ஒரு பேட்மேன், ஜோக்கர் கான்செப்டே ஓடும் .

இந்த படம் 7 ஆஸ்கார் நாமிநேட் மற்றும் 1 ஆஸ்கார் பெற்றுள்ளது . சாமவேலாக வரும் டாமி லீ ஜோன்ஸ் , தன்னுடயை அலட்டலில்லாத அட்டகாசமான நடிப்பால் சிறந்த துணைநடிகருக்கான ஆஸ்காரை அள்ளிக்கொண்டு சென்றுவிட்டார் . ரிச்சர்டாக வரும் ஹாரிசனும் , அற்புதமான நடிப்பை வாரி வழிங்கியிருக்கிறார் என்றுதான் கூறவேண்டும் . படத்தின் பெரும்பலம் திரைக்கதை மற்றும் வசனங்கள் . போர் அடிக்காமல் வேகமாக செல்லும் திரைக்கதையில் , ஆங்காங்கெ கெத்தான வசனங்களும் , ஹூயுமரான வசனங்களும் கண்டிப்பாய் நம் கவனத்தை ஈர்க்கும் . இசையமைப்பாளர் ஜேம்ஸ் நியுட்டனும் தன் பங்கிற்கு , பதைபதைப்பான இசையை வழங்கி , படத்தைத்தூக்கி நிறுத்தி இரு்க்கிறார் . இவர் பெயரை எங்கோ பார்த்தது போல இருக்கிறதா ? இவர்தான் ஹன்ஸ் ஜிம்மரோடு இனைந்து BATMAN BEGINES மற்றும் THE DARK KNIGHT க்கு அட்டகாசமான இசையை வழங்கியிருப்பார் . அமெரிக்கன் பிலிம் இன்ஸ்டிடியூட்டின் சிறந்த 100 திரில்லரில் இந்த படம் இருக்கிறது . ரோட்டன் டோமெட்டோஸ் தளத்தில் 96 சதவித பாஸிட்டிவ் வாக்குகள் . 1993 – ல் வெளிவந்த படங்களின் வசூலில் 3 வது இடம் . இதுதவிர ஏராளதாராளமான விருதுகள் மற்றும் நாமினேஷன்கள் என அக்காலத்தை கலக்கியத்திரைப்படம் .  இந்த வருடத்தில் தான் ஸ்பில்பெர்க்கின் SCHINDLERS LIST எனும் காவியமும் ரிலிஸ் ஆனது என்பதை கவனத்தில் கொள்க .


எனக்கு ஒரே ஆதங்கம் , இவ்வளவு சிறப்பான ஒரு திரைப்படத்தைப்பற்றி யாருமே தமிழில் எழுதவில்லை என்பதுதான் .நல்லவேளையாக நடிகர் ராஜேஸ் , எனக்குப்பிடித்த ஆங்கிலப்படங்கள்  என்ற அவருடைய புத்தகத்தில் இப்படத்தைப்பற்றி எழுதியிருக்கிறார் .  கொடுமை என்னவெனில் , இத்திரைப்படம் கே டிவியில் மாதம் ஒரு முறை தமிழ் டப்பிங்கில் , படுகேவலமாக ஓடிக்கொண்டிருக்கிறது .  1963 – 67 வரை , ஆங்கில நாடகமாக டிவிகளில் ஓடிக்கொண்டிருந்த FUGITIVE , 1993- ல் திரைப்படமாக எடுத்து மாபெரும் வெற்றி பெற்றார் இயக்குநர் ஆன்ட்ரூ டாவிஸ் . தவறாமல் பார்க்கவேண்டிய திரைப்படங்களில்  , தாராளமாய் இப்படத்தினை இணைத்துக்கொள்ளுங்கள் . அதுவும் ஆக்சன் – கிரைம் திரில்லர் விரும்பிகள் என்றால் , கண்டிப்பாய் இருமுறையாவது பார்க்கவேண்டிய திரைப்படம். இந்த படத்தை தமிழில் எடுத்திருக்கிறார்களா என்று தெரியாது . ஆனால் அப்படி எடுத்தால் படம் கண்டிப்பாய் இன்றைக்கும் 100 ஓடி , வருடத்தின் மெகா ப்ளாக்பஸ்டராவது உறுதி .
உங்கள் விருப்பம்

10 comments:

  1. fugitive படம் வந்த உடன் பார்த்தோம். அதிலிருந்து டிவிடியும் வாங்கி நூறு தடவையாவது பார்த்திருப்போம் உங்கள் விமரிசனம் அருமை.ஐ தாட் யு டோண்ட் கேர் முதல் தரமான டயலாக்.

    ReplyDelete
    Replies
    1. அப்படினு இல்லைங்க தல ! பதிவோட நீளம் எக்கச்சக்கமா போய்டும்னு பயந்து இந்த படத்த பத்தி நிறைய விஷயங்கள் சொல்லாம விட்டுட்டேன் . இந்த படத்த பத்தி இன்னொரு பதிவு கண்டிப்பா போடனும் . என்ன காரணத்தாலோயோ , இந்த படம் எனக்கும் உங்கள மாதிரியே அதிகமா பிடிச்சிடுச்சி !!

      Delete

  2. சிறந்த திறனாய்வுப் பார்வை
    தொடருங்கள்

    தைப்பொங்கலா? சிறுகதைப் போட்டியா?
    http://eluththugal.blogspot.com/2015/01/blog-post.html
    படித்துப் பாருங்களேன்!

    ReplyDelete
    Replies
    1. வருகைக்கும் கருத்துக்கும் நன்றி அண்ணே !!நான் பார்க்கிறேன்

      Delete
  3. Sir,
    Write more about Super Star Harrison Ford films in your blog...............
    Billa

    ReplyDelete
    Replies
    1. எழுதிடலாம் தல !!! :-)

      Delete
  4. தெலுங்கில் நாகர்ஜூனா மனிஷா நடித்து தமிழில் எல்லாமே என் காதலி என வந்தது

    ReplyDelete
  5. தகவல் மற்றும் வருகைக்கு நன்றி அண்ணே !!

    ReplyDelete
  6. Sir,
    What about "The Great Escape ". I have seen that film more no. of times. I await for your review.
    Billa

    ReplyDelete
    Replies
    1. நா இன்னும் அந்த படம் பாக்கலைங்க ஜீ ! பாத்துட்டு புடிச்சிருந்தா கண்டிப்பா எழுதறேன் . பரிந்துரை செய்தமைக்கு நன்றி !!!

      Delete