Posts

Showing posts from May, 2015

மாஸ் - சினிமா விமர்சனம்

Image
இது பேய்ப்படம் என்று பலர் கூறியபோது நான் நம்பவில்லை . வெங்கட்பிரபாவது  பேய்ப்படங்கள் எடுப்பதாவது . மனிதர் ஜாலியாக படம் எடுத்து பார்க்கவருபவர்களையும் ஜாலியாக இருக்கவைத்து , நிம்மதியாக அனுப்புவதில் வல்லவர் . அவர் போய் பேய்ப்படம் எடுக்கிறாரா ? அப்படியே எடுத்தாலும் கிளையேக்ஸில் பேயும் இல்லை , அது படுத்த பாயும் இல்லை என்பதுபோல் ஒரு ட்விஸ்ட் அடித்து முடித்துவிடுவார் என்று சென்றேன் .ஆனால் அந்நம்பிக்கையை அவநம்பிக்கையாக்கி உண்மையாகவே பேயை வைத்து படமெடுத்திருக்கிறார் வெங்கட் . அதுவும் ஒரு பேய் , இரண்டு பேயல்ல . படம் முழுதும் பேய்மயமாகவே இருக்கிறது . படத்தில் மனிதர்களைக்காட்டிலும் அதிகமாக திரையில் உலாவுவது பேய்கள் தான் . இது மட்டுமா ? எல்லாரும் அடிக்கடி வெங்கட் பிரபு என்றாலே ஒன்று சொல்லுவார்கள் . ‘கதைனா என்னனே அவருக்கு தெரியாது . அவர் படத்துல பெரிய கதைய கண்டுபிடிச்சா பொற்காசுகள் சன்மானம் ’ என்பதுபோல அடித்து விடும் ஆட்களுக்கு ஆப்படித்துவிட்டார் வெங்கட்பிரபு . முதன்முறையாக ஒரு ஆழமான கதையையும் உள்நுழைத்திருக்கிறார் . இதுமட்டுமா ? தலைவர் கதையினுள் சென்டிமென்ட் காட்சிகளையும் புகுத்தி, தன் பழைய

FLIGHT OF PHOENIX- சினிமா விமர்சனம்

Image
உயிருக்கு உத்திரவாதம் இல்லாத பயணம் என்றால் சத்தியமாக அது வான்வழிப்பயணம் தான் . இன்னமும் என்னதான் பந்தாவாக விமானத்தில் ஏறினாலும் , டேக் ஆஃப் ஆகும் போது நம் உயிர் டேக் ஆஃப் ஆகிவிடக்கூடாதென்று காயத்ரி மந்திரத்தையும் கந்த சஷ்டி கவசத்தையும் , பைபிளையும் மனதினுள் நினைத்துக்கொள்ளும் பலர் இருக்கின்றனர் . ரைட் சகோதரர்கள் தாங்கள் கண்டுபிடித்த ப்ளைட்டுக்கு எலுமிச்சை பழி கொடுக்காததாலோ என்னவோ இன்னும் விமானப்பயணத்தால் பலவிதமான விபத்துகள் நடந்தவாறே இருக்கின்றன . நீர் ,நிலம் . நெருப்பு , காற்று ஆகியவற்றால் அதுவரை மக்களைக் கொத்துகொத்தாக கொலைசெய்துகொண்டிருந்த ஹாலிவுட் இயக்குநர்களுக்கு   விமானங்கள் என்ற பெயரில் வரப்பிரசாதம் கிடைக்க அதன்வழியேயும் முடிந்தவரை மக்களைக்கொன்று வருகிறார்கள் . விமானக்கடத்தல் , மோசமான வானிலையில் சிக்கிக்கொள்ளும் விமானங்கள் , விமானத்தில் விஷஜந்து என்ற மேட்களையெல்லாம் கொண்டு அந்த தம்மாத்துண்டு விமானத்தை வைத்து படத்தை எடுத்துவிடுகிறார்கள் . 1972 ஆம் ஆண்டு மட்டும் கிட்டத்தட்ட 2000 –க்கும் மேற்பட்டோர் விமான விபத்தில் இறந்துள்ளார்கள் . மலேசிய விமானம் , ஆல்ப்ஸ் மலையில் நொறுங்கிய

BLOOD DIAMOND - சினிமா விமர்சனம்

Image
படம் ஆரம்பிக்கும்போதே கதை நடக்கும் இடத்தையும் , அதன் சூழ்நிலையையும் நமக்குக் காட்டிவிடுகிறார்கள் . இருண்டகண்டம் என்றழைக்கப்பட்டதாலோ என்னவோ நம் மக்களுல் பெரும்பாலானோர் நைல் நதி பாயும் எகிப்து மட்டுமே சிறிது வளமான நாடு என்றும் மற்ற நாடுகள் அனைத்தும் கொளுத்தும் வெயிலில் தகிக்கும் சஹாரா பாலைவனமாகவும் மீந்த இடங்கள் அவற்றின் எச்சமாக இருக்கும் என்ற எண்ணத்தில் இருக்கிறார்கள் . ஆனால் உண்மையில் ஆப்ரிக்கா , இயற்கை வளங்களின் சொர்க்கம் . உலகின் மிகமுக்கியமான  விலையுயர்ந்த பலபொருட்களுக்குப் பிறப்பிடம் ஆப்பிரிக்கா தான் . அதனால் தான் என்னவோ அக்கண்டம் காலங்காலமாய் சோகத்தின் விளிம்பில் வாடுகிறது . அந்நாட்டு மக்கள் பிறக்கும்போதே சாவை எதிர்கொள்ளத் துணிகிறார்கள் . காரணம் , காலனி ஆதிக்கம்  மற்றும் ஏகாதிபத்தியம் . நாம் ஷின்ட்லர்ஸ் லிஸ்ட் பதிவில் பார்த்த ஏகாதிபத்தியத்தை ஒருமுறை நினைவிற்கு கொண்டுவாருங்கள் . ஐரோப்பிய நாடுகளின் காலனி ஆதிக்கத்தில் உலகமே ஒருமுறை அடங்கிக்கிடந்திருந்தாலும் , ஐரோப்பியர்களைக் காட்டிலும் அமெரிக்காவின் காலனியில் மாட்டிய நாடுகளின்  நிலை தான் மிகமிக மோசம் என்பது உலகறிந்ததே ! அப்படி

டிமான்டி காலனி - சினிமா விமர்சனம்

Image
கடந்த ஒருமாதகாலமாக எந்த திரைப்படத்திற்கும் செல்லவில்லை என்பதைவிட பார்க்கவே இல்லை என்று சொன்னால் பொருத்தமாக இருக்கும். நேரமின்மை மற்றும் தீவிர வாசிப்பில் ஆழ்ந்தகாரணத்தால் எத்திரைப்படத்தையும் பார்க்கமுடியவில்லை . உத்தமவில்லன் , புறம்போக்கு, MAD MAX FURY ROAD என மிஸ் செய்த படங்கள் ஏராளம் . நேற்று வெள்ளிக்கிழமை என்பதைக்கூட மறந்துவிட்டேன் என்றால் பாருங்களே ! எப்படியாவது இந்த திரைப்படத்தையாவது பார்த்தே தீரவேண்டும் என்று முடிவெடுத்து சற்றும் அறிமுகமில்லாத ஒரு கிராமத் தியேட்டருக்கு சென்றேன் . அந்த தியேட்டரைப் பார்த்தால் இழுத்துமூடி பலவருடங்களான பாழடைந்த பங்களா போன்ற எஃபெக்டை காட்டியது . திடீரென எக்சலில் வந்த ஒருவர் கேட்டைத் திறந்தார் . பின் வெளியில் நின்றிருந்த என்னையும் என்னைப்போலவே அதைத் தியேட்டர் என நம்பி படம் பார்க்க வந்திருந்த சிலரையும் அழைத்தார் . எதுக்கு கூப்டராங்கனு தெரியாமலே அவரை நோக்கி சென்றால் 50 ரூபாய்பா என்றார் . எதுக்குங்ணே என்றால் டிக்கட் விலை பா என்றார் . சரி என்று அவரிடம் கொடுத்து விட்டு டிக்கெட்டுக்காக நின்றேன் . என்னப்பா ? என்றவரிடம் டிக்கெட் என்றால் அதெல்லாம் வேண்டாம்பா

BACK TO THE FUTURE – 1 ஒரு பார்வை

Image
ராபர்ட் செமெக்கிஸ் – தலைவரைப்பற்றி எளிமையாக சொல்லவேண்டுமெனில் இவர் ஒரு ஹாலிவுட் கே . எஸ் . ரவிக்குமார் . 1978 – ல் சினிமாவினுள் நுழைந்து இன்றுவரை உலகளவில் தனக்கென ஒரு ரசிகர் பட்டாளத்தையும் , தனி பாக்ஸ் ஆபிசையும் வைத்திருப்பவர் . இயக்குநராக மட்டுமில்லாமல் தயாரிப்பாளராகவும் கலக்கியவர் . வெறும் பணத்திற்காக மட்டுமில்லாமல் ஆங்காங்கே மக்களிடையே சமூக விழிப்புணர்வைப்பற்றியும் ஏற்படுத்தும் அதிசய இயக்குநர் . கடைசியாக இவர் இயக்கத்தில் வெளிவந்த FLIGHT திரைப்பட த்தில்கூட குடிக்கெதிரான தனது கருத்தை ஆணித்தரமாக பதிந்திருப்பார் . சுமாரான திரைப்படமான FLIGHT  பாக்ஸ் ஆபிசில் முதலைக்காட்டிலும் ஐந்து மடங்கு லாபத்தை சம்பாதித்து என்றால் அதற்கு காரணம் செமெக்கிஸ் தான் . இவரது அடுத்த படமான THE WALK , பிலிப் பெடிட் என்பவர் , விமான தாக்குதலில் தகர்க்கப்பட்ட இரட்டைக்கோபுரத்திற்கிடையே கயிறு கட்டி நடந்து சாதனை படைத்ததை வைத்து அவரது வாழ்க்கையைப்பற்றிய சுயசரிதமாக எடுக்கப்படுகிறது . ஆனால் செமெக்கிஸின் வாழ்க்கையையே ஒரு திரைப்படமாக எடுக்கலாம் . திரைப்படக்கலை பற்றிய கல்லூரிப்படிப்பை  முடித்தபின் செமெக