அனிமேஷன் திரைப்படங்கள் – ஒரு பார்வை



பொதுவாக அனிமேஷன் படங்கள் என்றாலே குழந்தைகளுக்கானது என்றவொரு அபிப்ராயம் , அனிமேஷன் படம் பார்க்காதவர்களுக்கு உண்டு . காரணம் , கார்ட்டுன் தொலைக்காட்சிகளில் போடும் மொக்கையான அனிமேஷன் சீரயல்களைச் சொல்லலாம் . ஆனால் அந்த பார்வையெல்லாம் மேலைநாடுகளில்  எப்போதோ வழக்கொழிந்துவிட்டது  . அனிமேஷன் படங்களுக்கான வரவேற்பையும் வசூலையும் பார்த்தாலே நமக்குத்தானாக புரியும் . நம் இந்தியாவிலும் இத்தகைய  மனோபவம் கொஞ்சம் கொஞ்சமாக மாறிவருகிறது .  இப்போதெல்லாம் எங்கள் சேலத்தில்கூட ஆங்கிலத்தில் ரிலிசாகும் அனிமேசன் படங்கள் , அமெரிக்காவில் ரிலிசாகும் அதேநேரத்தில் ரிலிசாகிறது . FROZEN எனும் அனிமேசன் படம் , நோலனின் பெரும்ஹிட்டான டார்க்நைட் ரைசஸின் வசூலையேத் தூக்கிச்சாப்பிட்டது . TOYSTORY 3 ஆம் பாகம் 1 பில்லியன் டாலர் வசூல் செய்து சினிமா உலகையே வாயைப்பிழக்கவைத்தது . ஒருசில ஆண்டுகளில் வெளிவந்த அனிமேசன் திரைப்படங்கள் , அந்தந்த காலங்களில் வந்த மாபெரும் இயக்குநர்களின் வசூல்களையெல்லாம் தூக்கி அலேக்காய் சாப்பிட்டு ஏப்பமெல்லாம் விட்டிருக்கிறது .

இதற்கெல்லாம் என்னகாரணமாக இருக்கும் என  என் கை,கால்களைக் கசக்கிப்பிழிந்து நான் கண்டுபிடித்தது என்னவெனில் , ஆரம்பகாலகட்டங்களில் வெளிவந்த அனிமேசன் திரைப்படங்களாகட்டும் , தொடர்களாகட்டும் , எல்லாமே குழந்தைகளிடமிருக்கும் குழந்தைத்தனத்தை வெளிக்கொணரவே முயற்சித்தன . அதனால் பெரியவர்களுக்கு அனிமேசன் படங்களின் மேல் ஈடுபாடில்லாமல் போய்விட்டது . எல்லாருக்கும் உண்டான ஒரே மனநிலை , அனிமேஷன் எனும் ஜெனர் குழந்தைகளுக்கென்ற பிரத்தியோகமானது . ஆனால் இந்த எண்ணத்தை முதன்முதலில் மாற்றிக்காட்டிய திரைப்படமென்றால் 1992-ல் வெளிவந்த அலாவுதீனைக் ( ALADDIN ) குறிப்பிடலாம் . BASIC INSTINCT , டேவிட் ஃபிஞ்சரின் ALIEN 3 , டிம் பார்டனின் BATMAN RETURNS , ரோலன்ட் எம்ரிச்சின் UNIVERSAL SOLDERS , ராபர்ட் செமிக்ஸின் DEATH BECOMES HER ,  கிளின்ட் ஈஸ்ட்வுட்டின் UNFORGIVEN , ரிட்லி ஸ்காட்டின் 1492 ,  க்வென்டினின் RESERVOIRS DOGS  போன்ற பெருந்தலைகளின் படங்கள் வெளிவந்த காலம் அது . ஆனால் அத்தனை பேரையும் ‘ஆ!’வென வாயைப்பிழக்கவைத்து 500 மில்லியன் வசூல் செய்து அவ்வாண்டின் வசூல் சக்கரவர்த்தியாக அலாவுதின் இருந்தது . (க்வின்டின் அப்போது அறிமுக இயக்குநராகத்தான் இருந்தார் . இருப்பினும் இன்றளவும் அவரின் சிறப்பான ஒரே படமாக நான் கருதுவது RESERVOIRS DOGS என்பதால் தான் லிஸ்ட்டில் இணைத்தேன் ) . இவ்விடத்தில் இன்னொன்றையும் கூறியாகவேண்டியிருக்கிறது . 1937 – ல் வால்ட் – டிஸ்னியின் தயாரிப்பில்  வெளிவந்த SNOW WHITE AND SEVEN DWARFS என்ற அனிமேஷன் திரைப்படம் தான் முதன்முதலில் அனைவரது கவனத்தையும் ஈர்த்து வெற்றிவாகை சூடியது . ஆனால்  அதன்னபின் ஏறத்தாழ 67 ஆண்டுகள் குழந்தைகளுக்கு மட்டும் என்றிருந்த சங்கதியை மாற்றிக்காட்டியது அலாவுதின் என்பதால்தான் அப்படத்திற்கு நான் முன்னுரிமை கொடுத்தேன் . அலாவுதீனுக்குப்பிறகு 1994 –ல் வெளிவந்த THE LION KING –ம் வசூலில் கலக்கியது . எனக்கு LION KING – ல் வரும் TIMON & PUMBAA –வின் காட்சிகளெல்லாம் மிக மிகப்பிடிக்கும் . பின்னாட்களில் டிஸ்னியின் தமிழ் சேனலான டூன் டிஸ்னியில் கூட TIMON மற்றும் PUMPAA ‘கூல் நாம தாதா’-வென்று தமிழில் அட்டகாசம் செய்த ஒவ்வொரு எபிசோடையும் விடாமல் பார்த்த காலம் உண்டு . எப்படிப்பார்த்தாலும் அதன்பின் வந்த அனிமேஷன் திரைப்படங்கள் பெரியவர்களிடம் இருக்கும் குழந்தைத்தனத்தை வெளிக்கொணர முயற்சித்து , அதில் பெருவாரியான வெற்றியும் பெற்றுவிட்டது . அதேபோல் அனிமேசன் படங்கள் அனைத்தும் அட்லீஸ்ட் ஒருமுறையாவது ரசிக்கும்வண்ணம் இருக்கும் . எந்த படமும் பார்க்கவே முடியாத அளவிற்கு மொரட்டு மொக்கையாக இருக்காது என்ற மினிமம் கியாரண்டி அனிமேசன் படங்களில் உண்டு . இன்றைய காலகட்டத்தில் அனிமேஷனுக்கென்றே தனி ரசிகர்கள் நிறைய பேர் இருக்கின்றார்கள் .

அன்று பெனக்டோஸ்கோப்பில் ஆரம்பித்த டெக்னாலஜி இன்று கார்ட்டுன், அனிமேஷன் , மோசன் காப்சர் எனப்பலவகையான பரிணாம மாற்றத்திற்குள்ளாகியுள்ளன . TRADITIONAL ANIMATION FILMS , COMPUTER ANIMATION FILMS , STOP MOTION ANIMATION FILMS , ANIME ANIMATION FILMS போன்ற வகையறாக்கள்   மற்றும் அதன் டெக்னாலஜிகள்  பற்றியும்  மெசபடோமியர்களின் பொற்காலமாக கருதப்படும்  ஹம்முரபி காலத்திலான உலகின் முதல் அனிமேஷன் ஓவியத்தைப்பற்றியும் , பிரெஞ்ச் நாட்டின் சார்லஸ் ரெய்னாட் , எமைல் கோல் , வால்ட் டிஸ்னி என ஒவ்வொருவரைப்பற்றியும் தனித்தனியாக வரலாறுபாடம் நடத்தும் ஐடியா எனக்கில்லாத காரணத்தால் படங்களைப்பற்றி மட்டும் காண்போம் 

.

A BUG’S LIFE – ஒரு எறும்புக்கூட்டம் . அதை அடிமைப்படுத்தி வேலைவாங்கும் கரப்பான்பூச்சிகள் கூட்டம் . ஒருவேலையும் உருப்படியாக செய்யத்தெரியாத எறும்பு ஹீரோ . ஆனால் ஏதாவது புதிது புதிதாய் கண்டுபிடிப்பான் . ஒருமுறை வில்லன் கூட்டத்திற்காக சேர்த்துவைத்திருந்த தானியமெல்லாம் ஹீரோவின் செயல்களால் வீணாகிவிட , கரப்பான் பூச்சிகளின் கடுமையான கோவத்திற்கு எறும்புக்கூட்டம் ஆளாகின்றன . கெடு ஒன்று வைத்துவிட்டு கரப்பான்கள் சென்றதும் , எறும்புக்கூட்டத்திலிருந்து ஹீரோவை தள்ளிவைக்கிறாள் இளவரசி . அதன்பின் ஹீரோ காடுமேடெல்லாம் அலைந்து சில பூச்சிகளைக்கண்டறிகிறான் . அந்த பூச்சிகளை 7 சாமுராயாக நினைத்து ஊருக்கு அழைத்துச்செல்கிறான் . கடைசியில் அவை ட்ராமா போடும் பயந்தாங்கொள்ளிப்பூச்சிகள் எனத் தெரிகிறது . அதன்பின் வில்லன் க்ரூப்பிடம் இருந்து எப்படி எறும்புக்கூட்டத்தை ஹீரோ ரக்ஷித்தார் என்பதே கிளைமேக்ஸ் . இப்படத்தை டவுன்லோட் செய்யும்முன் தமிழ் பிரிண்ட் கிடைத்தால் அதையே டவுன்னலோட் செய்யுங்கள் . தமிழில் இப்படத்திற்கு அட்டகாசமான வாய்ஸையும் வசனங்களையும் கொடுத்திருப்பார்கள் .



RIO – இப்படம் பற்றி பார்க்கும்முன் , நான் இப்படத்தை எப்படிப்பார்த்தேன் என்று ஒருமுறை பார்த்துவிடலாம் . அதற்குமுன் (குடி , குடியைக்கெடுக்கும் . குடிப்பழக்கம் உடலுக்கு தீங்கானது  ) . ஒருமுறை என் நண்பன்  ஒருவனின் அழைப்புக்கேற்ப பெங்களூர் சென்று , ஜாலியாக ஒருவாரம் ஊர் சுற்றிக்கொண்டிருந்தேன் .  மாரத்தள்ளியில் உள்ள ஒரு மல்ட்டிபிளக்ஸ் அருகே இருந்த பாரில் , பீரடித்துக்கொண்டிருந்தபோதுதான் , அந்த தியேட்டரில் RIO பட போஸ்டரைப்பார்த்தேன் . சரி , வந்து ஒரு அனிமேசன் படத்திற்க்குகூட போகவில்லையெனில் அப்புறம் என்ன ஜாலி என்று , அரைபோதையில் ரெண்டு டின் பீரை வாங்கி பாக்கெட்டில் சொருகிக்கொண்டு மாலினுள் நுழைந்தேன் . டிக்கெட் எடுத்தபின்தான் தெரிந்தது , படம்போட இன்னும் ஒருமணிநேரம் ஆகும் என்று . என்னடா இது வம்பா போச்சு என்று அருகிலிருந்த ரெஸ்டாரன்ட் சென்று சான்ட்விச்சின் உதவியால் ஒரு பீரை முடித்துவிட்டு நேரே திரையரங்குச்சென்றேன் .  படம்போட ஆரம்பித்த நேரம் என் பக்கத்தில் வாளிப்பான இளைஞியும் , அவளுக்கென்றே அளவெடுத்து செதுக்கிய லூசு போன்ற ஒருவனும் வந்து அமர்ந்தார்கள் . RIO படத்தைப்பற்றி என்ன சொல்வது ? HUM APKE HAIN KOUN படத்தைப்பற்றி தெரியாதவர்கள் இருக்கமுடியாது . அந்த படத்தின் இயக்குநர்கூட இப்படத்தில் வரும் பாடல்களுக்குமுன் தோற்றுப்போய்விடவேண்டும் என்றெண்ணி , காண்டில் சொருகிவைத்திருந்த இன்னொரு பீரையும் எடுத்து குடிக்க ஆரம்பித்தேன் . அருகில் இருந்தவளோ என்னைத்திரும்பி பார்த்தாள் . அவள் பார்த்தால் என்ன ? பாக்காட்டி என்ன ? என்று ஓரளவு தைரியம் வரவைத்துக்கொண்டே படத்தைப்பார்த்துக்கொண்டிருந்தேன் . சில நிமிடங்களில் அவள் அருகோலிருந்த அவளின் காதலன் (OR) நண்பனிடம் ஏதோ சொல்ல , அவன் எழுந்து சென்றான் . இந்த படத்த பாக்கறதுக்கு பதிலா எழுந்தே போயிடலாம் என்ற மனநிலையில் தானிருந்தேன் . சிறிது நேரத்தில் அவனும் திரும்பி வர , அவர்களிவரும் ஏதோ வாய்ச்சண்டையில் ஈடுபட்டது தெரிந்தது . பின் அவள் என்னிடம் திரும்பி ‘R U DRINKING ..?’ என வினவ , “Ya . Any problem ?” என்று நான் கேட்க , “Do u have Additional one ?” என்று மறுபடியும் அவள் கேட்டாள் . அப்புறம் என்ன ? அவளுக்கு நான் குடித்துக்கொண்டிருந்த பீரைக்கொடுத்துவிட்டு, அந்த லூசு வாங்கிக்கொடுத்த டயட் பெப்சியை நான் குடித்துக்கொண்டிருந்தேன் .  சரி , படத்தப்பத்தியா ? யோவ் ! நா போன தியேட்டர்ல சப்டைட்டில் போடல . இதுக்கு நடுவுல நான் வேற புல் மப்பு . பக்கத்தில இதுங்க டார்ச்சர் வேற . இந்த லட்சணத்துல எப்படியா படத்த பாக்கமுடியும் ? ஆனால் RIO , RIO -2 ஆகிய இரண்டுமே டைம்பாஸுக்கு கேரண்டியான படங்கள் . தாராளமாய் பார்க்கலாம் . முதல் பாகம் பாடல்கள் அதிகம் கொண்ட அனிமேஷன் படங்களில் ஒன்றாக இருப்பினும் விஷுவலாக செம ட்ரீட்டாக இப்படம் இருக்கும் . 



THE LEGO MOVIE – இந்த படத்தை நான் பார்த்ததற்கு ஒரே காரணம் பேட்மேன் . ஒரு சாதாரண என்ஜினியர் , அவனுக்கேத்தெரியாமல் வாழ்க்கையில் நடக்கும் அதிரடியான சம்பவங்கள் தான் கதை . இப்படத்தில் WB – ன் அனைத்து சூப்பர் ஹீரோக்களும் ( சூப்பர்மேன் , பேட்மேன் , க்ரீன் லான்டர்ன் , கேட் உமன் ,,….) வருகிறார்கள் . STOPMOTION மாதிரியானடெக்னாலஜியில் படத்தை எடுத்திருப்பார்கள் . இன்ட்ரஸ்டிங்காக சென்று கொண்டிருக்கும் படத்தில் கடைசி கிளைமேக்ஸ் ட்விஸ்ட் கண்டிப்பாக உங்கள் மனதைக்கவரும் .



WRECK IT RALPH – கேம் சென்டர்களில் நாம் விளையாடும் கேம்களை வைத்து ஒரு திரைப்படம் . ஆனால் கண்டிப்பாக உங்கள் மனதில் ஒருவித தாக்கத்தை ஏற்படுத்தும் திரைப்படம் . இப்போது TEKKEN கேம் நாம் விளையாடுகிறோம் . விளையாடிமுடித்ததும் , நாம் சென்றுவிடுவோம் . ஆனால் உள்ளே இருக்கும் எட்டி , லீ முதலான கேம் கேரக்டர்கள் உள்ளுக்குள்ளே உயிருடன் உலாவுவதாக இருந்தால் எப்படி இருக்கும் ?  அதுபோல தான் FIX IT FELIX எனும் கேமினுள் , வில்லனாக வலம்வருபவன் WRECK IT RALPH . ஆனால் அவன் மிகவும் நல்லவன் . அவன் மனதைப்புரிந்துகொள்ளாமல் , கேமுக்குள் உள்ள எல்லோரும் FIX IT FELIX – ஐயே கொண்டாடுகிறார்கள் . அதனால் RALPH கோவித்துக்கொண்டு , கேம் PROGRAM வழியே உள்நுழைந்து வேறொரு கேமிற்குள் சென்றுவிடுகிறான் . வில்லன் இல்லாத காரணத்தினால் FIX IT FELIX கேமை சிறுவர்கள் யாரும் விளையாட வரவில்லை . எனவே அந்த மெஷினை அவுட் ஆப் ஆர்டரில் போட்டுவிட , கேமினுள்  வாழ்பவர்களைக்காப்பாற்ற RALPH-ஐ கண்டுபிடித்தாக வேண்டும் என்று FELIX –ம் கிளம்பிச்செல்வான் . அதன்பின் நடக்கும் அட்வெஞ்சர்களே படத்தின்கதை .


WALL E – அனிமேசன் திரைப்படங்களில் அட்டகாசமானதொரு படமாக என் நினைவில் உள்ளவைகளில் இப்படத்திற்கும் தனியிடம் உண்டு . இம்மாதிரியான சயின்ஸ் – பிக்சன் கதைகளையெல்லாம் எத்தனைமுறைப்பார்த்தாலும் சலிக்கவே சலிக்காது . அப்படி என்ன கதை என்கிறீர்களா ? உலகில் மனித இனமே இல்லை . மனித இனம் மாத்திரமில்லை , உயிரினமே இல்லை . அந்நிலையில் WALL E எனும் ரோபாட் புவியில் இருக்கிறது . ஒருமுறை ஒரு ஸ்பேஸ்சிப் ஒன்று வர , அதில் EVE எனும் அட்வான்ஸ்ட் பெண் ரோபோ வருகிறது . WALL E க்கு அதைப்பார்த்ததும் காதல் வருகிறது . EVE புவியை முழுவதும் சர்ச் செய்ய , ஒருகட்டத்தில் WALL Eயிடம் உள்ள ஒரு மாஞ்செடியைப்பார்க்கிறது . உடனே ஸ்பேஸ்சிப்பில் WALL E-யைக்கைதியாக்கி அழைத்துச்செல்லப்பட , அதைத்தொடர்ந்து என்னவாகின்றது என்பதே இத்திரைப்படம் . இப்படத்தின் பாதிக்குமேற்பட்ட காட்சிகள் வசனமில்லாமலே நகரும் என்பது கூடுதல் சிறப்பு . கண்டிப்பாக பார்க்கவேண்டிய அனிமேஷன் படங்களில் இதுவும் ஒன்று .

PUSS IN BOOTS – ஏற்கனவே இப்படத்தைப்பற்றி தனி விமர்சனமே எழுதிவிட்டேன் . இருந்தாலும் படிக்காதவர்கள் இங்கே க்ளிக்கி படித்துக்கொள்ளுங்கள் .


Mr.PEABODY & SHERMAN – இப்படத்தின் விமர்சனத்தை இங்கே கிளக்கி படியுங்கள் .


RATATOUILLE – அல்பிரடோ எனும் அரைகுறை சமையல்கலைஞனுக்கு , ரெமி எனும் எலி உதவி செய்து எப்படி சமையல் கலையில் வல்லுனனாக்குகிறது என்பதே இப்படம் என்று ஒருவரியில் சொல்லமுடியவில்லை . அதைவிட நிறைய விஷயம் படத்தில் இருக்கிறது . கண்டிப்பாக இத்திரைப்படமும் பார்ப்பவர்களுக்கு பிடிக்கும் .


CARS – வெல் , இந்த படத்தை உங்களில் பலர் பார்த்திருக்கலாம் . ஏனென்றால் இந்தியாவில் வெளியான அனிமேசன் படங்களில் ஒரு கலக்கு கலக்கியது இந்த திரைப்படம் எனலாம் . பிஸ்டன் எனும் கார் ரேசுக்கான உலகக்கோப்பையில் ஜெயிக்க லைட்னிங் மெக்குய்ன் எனும் காரிற்கு அதிக வாய்ப்பிருக்கும் . ஆனால் அந்த காரோ கொஞ்சம் சீன் போடும் . ஒருமுறை பிரயாணத்தில் , 4 மரைகழண்ட மென்டல்கார்களால் வழிதப்பிப்போய் ஒரு ஊரில் மெக்குய்ன் மாட்டிக்கொள்ளும் . அந்த ஊர்க்கார்கள் கிடைத்தானடா ஒரு அடிமை என அதை பயங்கரமாக வேலை வாங்க , இது தப்பி ஓட முயல என நகரும் கதை அட்டகாசமாக முடியும் . கிட்டத்தட்ட தமிழில் சம்திங் சம்திங் படத்தின் பாதிப்பை ஆங்காங்கே இப்படத்திலும் உணரமுடியும் . இதன் இரண்டாம் பாகமும் அருமையாக இருக்கும் . தமிழில் கூட டப் செய்யப்பட்டது என நினைக்கிறேன் .

பின்குறிப்பு - மேற்கண்ட படங்களில் 
ஒருமுறை பார்க்கும் வண்ணம் உள்ள திரைப்படங்கள் - RIO , RATATUILLE , THE LEGO MOVIE , A BUG'S LIFE .
மற்ற படங்கள் என்னைப்பொறுத்தவரை எத்தனைமுறை பார்த்தாலும் சலிக்காதவண்ணம் இருக்கும் .

இன்னும் எழுத எக்கச்சக்கமான படங்கள் இருந்தாலும் பதிவின் நீளம் கருதி MONSTERS.inc , THE CROODS , TOY STORY , TANGLED , ASTRO BOY , EPIC , FROZEN , DESPICAPLE ME , FINDING NEMO , ICE AGE , SHREK , MADAGASKAR ,UP , THE INCREDIBLES , MEGA MIND , HOW TO TRAIN YOUR DRAGON , BIG HERO 6 , HAPPY FEET போன்ற படங்களைப் பற்றியெல்லாம் வரும் பதிவுகளில் பார்க்கலாம் .





Comments

  1. தளம் கூட புதுப் பொலிவோடு இருக்கிறது... வாழ்த்துக்கள்...

    ReplyDelete
    Replies
    1. இதுக்கெல்லாம் காரணம் தமிழ்வாசி பிரகாஷ் அண்ணனும் பாலகணேஷ் அண்ணனும் தாங்ணா .

      Delete
  2. வழக்கமான பாணியில் பிரமாண்டமாக எழுதியுள்ளீர்கள் இதைப் பார்க்கும்போது நானும் காரைக்கால் அம்மையார் விமர்சனம் எழுதினால் என்ன என்று தோன்றுகிறது....
    தமிழ் மணம் 3

    ReplyDelete
    Replies
    1. பேயார் பற்றி எழுதறதுனா தாராளமா எழுதுங்ணா . அம்மையார் வாழ்க்கை அற்புதம்ம நிறைந்த ஒன்னு . உங்களோட கட்டுரைக்காக வெயிட்டிங் அண்ணா

      Delete
  3. அடுத்த பதவின் தொடர்ச்சிகளையும் இதே சுவாரசியத்துடன் எதிர்பார்கின்றேன்...

    ReplyDelete
    Replies
    1. நான் சுவாரஸ்யமா எழுதறேங்றது நீங்க சொல்லித்தான் சகோ எனக்கேத்தெரியும் . நன்றி சகோ.

      Delete
  4. படத்தை விட உங்க பீர் அனுபவம் ரொம்ப கிக் தந்தது :)
    த ம +1

    ReplyDelete
  5. பிரமாண்டம் என்பது இதுதானோ..??

    ReplyDelete
  6. இன்னும் எக்கசக்க படம் இருக்கிறதா...!!!

    ReplyDelete
  7. அடுத்தப் பதிவை எதிர் பார்த்து காத்து இருக்கிறேன்

    ReplyDelete

Post a Comment

Popular posts from this blog

FIGHT CLUB – சினிமா விமர்சனம்

MALENA (18+) – சினிமா விமர்சனம்

மீண்டும் ஒரு காதல் - சிறுகதை