Monday, 2 February 2015

BIG - சினிமா விமர்சனம்






ஏற்கனவே தமிழில் காபி அட்டம்ப்ட் என்று எக்கச்சக்கமான படங்களை பலர் கிழித்துத்தொங்கப்போட , நாமும் ஏன் இந்தவேலையைச் செய்யவேண்டும் என்று ஒதுங்கியிருந்தேன் . சரி , ஒரு திரைப்பட விமர்சகராக நாமும் ஒரு காபி அட்டம்ப்ட்டை எழுதி , நம் சமூக கடமையை ஆற்றிவிடவேண்டும் என்ற முனைப்பின் பிரதிபலிப்புதான் இத்திரைப்படத்தின் விமர்சனம் .

நம்மூரில் குஷ்புவுக்கு கோயில் கட்டி தமிழர்கள் என்று தலைநிமிர்ந்தார்கள் . ஆனால் ஹாலிவுட்டில் டாம் ஹேங்சுக்கு கிடைத்த புகழின்முன் இதெல்லாம் தூசி எனலாம் . அந்த மனிதரின் பெயரில் விண்வெளியில் ஒரு குறுங்கோளுக்கு டாம்ஹேங்ஸ் எனப் பெயர் வைத்து புகழாரம் சூட்டியுள்ளார்கள் நாசா விஞ்ஞானிகள் . 5 ஆஸ்கார் நாமிநேசன்கள் , 2 தொடர்ச்சியான ஆஸ்கார் விருதுகள் என ஆஸ்கார் அவையை அதிரவைத்த இவர் தான் இன்று உலகளவில் அதிக செல்வாக்குள்ள மற்றும் பவர்ஃபுல்லான நடிகர் . இவரின் படங்கள் 480 பில்லியனைத்தாண்டி வசூல் செய்துள்ளன . இவருக்கு இருக்கும் மார்க்கெட் , உலகளவில் வேறு எந்த நடிகருக்கும் இல்லாதது . நடிப்பு என்பதற்கு வேறு பெயர் டாம்ஹேங்ஸ் எனக்கூறும் அளவிற்கு சிறப்பான நடிகர் .பீல்குட் படங்களுக்கு அதிகமாய் ஆதரவு தரும் நடிகர் . குடும்பத்துடன் காணும்படியான தரமான படங்கள் கொடுக்கும் ஒரே நடிகர்.  இவரின் TERMINAL , FORREST GUMP , SAVING PRIVATE RIYAN , CAST AWAY போன்ற படங்களைப்பார்த்திருந்தால் , கண்டிப்பாய் நீங்கள் டாம்ஹேங்சின் ரசிகராய் மாறிவிடுவீர்கள் .



ஆரம்பகாலங்களில் டி.வி நடிகராய் அறிமுகமாகி , ஹாலிவுட்டில் உள்நுழைந்து தட்டுத்தடுமாறிக்கொண்டிருந்த டாம்ஹேங்சுக்கு ஒரு மாபெரும் திருப்புமுனையைக்கொடுத்த படம்தான் BIG . 1970 களில் அமெரிக்காவின் தொலைக்காட்சிகளில் வலம்வந்த PENNY MARSHAL எனும் பெண்  , எப்படியோ அடித்துப்பிடித்து JUMPIN JACK FLASH  எனும் திரைப்படத்தினை இயக்கினார் . படம் எப்படியோ அப்படிஇப்படியென்று பாக்ஸ் ஆபிஸில் தப்பிப்பிழைக்க , அதற்கடுத்து அவர் இயக்கமுடிவெடுத்த திரைப்படம் தான் BIG . 1980 களில் டாம் ஹேங்ஸ் திரைப்படங்களில் நடிக்க ஆரம்பித்தாலும் , ஆரம்பகால நமது சூப்பர்ஸ்டாரைப்போன்ற நிலையில்தான் இருந்தார் . அதன்பின் பென்னியின் கண்களில் ஹேங்ஸ் சிக்க , அதைத்தொடர்ந்து வேகவேகமாய் , ஸ்பில்பெர்க்கின் சகோதரியின் திரைக்கதைக்கு நாயகனாய் ஹேங்ஸ் அமர்த்தப்பட்டார் .

படத்தின் கதை என்னவென்று கேட்டு நீங்கள் எல்லாம் கடுப்பாவது தெரிகிறது . ஜோஸ் (josh) எனும் 12 வயது சிறுவனும் அவனுடைய நண்பன் பில்லியும் (பல்லி இல்லிங்கோ) ஜாலியாக தங்களின் வாழ்க்கையை கழிக்கிறார்கள் . ஜோசை ஒரு பொண்ணு ரூட் அடிக்க , அவளை மடக்க நினைக்கிறான்  ஜோஸ் . ஒருமுறை ஒரு பொருட்காட்சியில் கார்னிவல் ரைட்டஎனப்படும் ராட்டிணத்தில் அவள் பயணிக்க காத்திருப்பதை கவனிக்கும் ஜோஸ் , அவளை இம்ப்ரஸ் செய்வதற்காக அந்த ராட்டிணத்தில் ஏறச்செல்கிறான் . பெண்குழந்தைகளுக்கு ஆண்குழந்தைகளைக்காட்டிலும் உடல்வளர்ச்சி படுவேகமாய் இருக்கும் என்பது இயற்கை நீதி . ஜோசின் வயதே உடைய அந்த பெண்ணோ பனைமரத்தில் பாதி உயரத்தைத்தொட்டிருக்க , ஜோசோ குள்ளக்கத்திரிகாய் சைசில் இருப்பான் . அவனுடைய உயரத்தைக்காரணம் காட்டி , ராட்டிணத்தில் ஏற அனுமதிக்கமாட்டார்கள்  நிர்வாகத்தினர் . கடுப்பான ஜோஸ் , சோல்தார் எனும் ஒரு மெஷினிடம் சென்று நாணயத்தை நுழைக்கிறான் . அந்த சோல்தார் எனும் மிஷின் , கேட்ட வரத்தைக்கொடுக்கும் ஒரு மெஷின் என்று புளிப்புகாட்டி வசூல் கறப்பார்கள் அமெரிக்காவில் . கிட்டத்தட்ட எடை மெஷின் போன்றதுதான் . இவனோ ராட்டிணத்தில் ஏறி அவளை கரெக்ட் பண்ணமுடியாததற்கு காரணம் தன் உயரம்தான் என்றெண்ணி , அந்த மெஷினிடம் I WISH , I WAS BIG என்று வரம்கேட்க ,அந்த மெஷினும் தன்னுடைய கடமைக்கு ஒரு சீட்டை தன்னுள் இருந்து அனுப்பி PERMISSION GRANTED என்று சொல்லிவிடும் . அதன்பின் அப்படியே வீட்டிற்கு போய் படுத்துறங்கி காலையில் எழும் ஜோஸ் , இளைஞனாய் மாறிவிடுகிறான் . அதன்பின் என்னவென்றால் , அதான் ‘நியூ’னு ஒரு படம் பார்த்துருப்பிங்களே . அதுல என்ன நடக்குமோ அதேதான் இப்படத்திலும் நடக்கும் . என்ன , அந்த படத்தில் எஸ்.ஜே.சூர்யா , சிம்ரனை கல்யாணம் செய்துகொண்டு , தன் தாய் தேவயானிக்கு தன்மீது இருக்கும் பாசம் , தாய்ப்பாசம் என அடித்துவிட்டிருப்பார் . இதில் காதலோடு சரி .



நியூ படத்தில் எஸ்.ஜே. சூர்யா தனக்கென்று உரிய பல கில்மா காட்சிகளை வைத்திருப்பார் . சயின்டிஸ்ட் என்று மணிவண்ணனை வைத்து இழுக்கடித்திருப்பார் . நண்பனாக வரும் அந்த சின்னப்பையன் , கடைசியில் கடுப்பாகி சிம்ரனிடம் போட்டுக்கொடுத்துவிடுவான் . இந்த படத்தில் கில்மா காட்சிகள் இல்லவே இல்லை . டாம்ஹேங்சின் படங்களில் நாம் என்ன எதிர்பார்ப்பாமோ , அது இப்படத்தில் அப்படியே இருக்கும் . பெரும்பாலான காட்சிகள் நம் மனதுள் இருக்கும் குழந்தைத்தனத்தை வெளிக்கொணரும் . பெரியவனானதும் ஹேங்ஸ் தங்குவதற்காக நகரில் இருக்கும் ஒரு குப்பை ஹோட்டலுக்குச்செல்வார் . இரவு நேரங்களில் நகரில் நடக்கும் துப்பாக்கிச்சூடுகள் , பெண்களின் அலறல் , பக்கத்து அறையில் தங்கியிருப்பவனின் சத்தம் என்று ஒவ்வொன்றிற்கும் பயந்து தலையணையைக்கட்டிபிடித்து அழும் காட்சியில் டாம் ஹேங்ஸ் ஒரு நடிப்பைக்கொடுத்திருப்பார் பாருங்கள் . அப்பப்பா , சொல்லிமாளாது . அதுவரை தாயின் அரவணைப்பில் இருக்கும் 12 வயது சிறுவன் , தாயைவிட்டுப்பிரிந்தால் என்ன மனநிலையில் இருப்பான் என்பதை அச்சு அசலாய் திரையில் நம்கண்முன் வார்த்து எடுத்திருப்பார் . அதேபோல் இப்படத்தில் நண்பனாய் வரும் சிறுவன் கடைசி வரை நல்ல நட்பிற்கு உதாரணமாய் இருப்பான் . தன் நண்பனை இந்த இக்கட்டில் இருந்து எப்படியாவது காப்பாற்றிவிட வேண்டும் வன் அலைவதும் , அவனைப்பற்றி அவ்வளவாய் கண்டுகொள்ளாமல் ஹேங்ஸ் தவிர்ப்பதும் என சிறப்பாக செய்திருப்பார்கள்.  ஹேங்சின் தாயார் மகனைப்பிரிந்து அழும் வேலையில் , பில்லி அவளைச்சமாதானப்படுத்தும் காட்சிகள் எல்லாம் அழகியல் ரசனையின் வெளிப்பாடு .

தன்காதலியிடம் கிளைமேக்ஸ் காட்சியில் தான் திரும்பவும் சிறுவனாக மாறவேண்டும் என் ஹேங்ஸ் சொல்வார் .நான் திரும்பவும் சிறுவனாக லட்சம் காரணம் இருக்கு . ஆனால் இப்படியே இருக்க நீ ஒருத்திதான் காரணம் என்பார் . தொடர்ந்து பேசாமல் நீயும் என்னுடன் சிறுமியாகிவிடு என்று ஹேங்ஸ் சொல்வதும்தைத்தொடர்ந்து அவள் கூறும் வசனங்களும் கிளாஸ் ( டம்ளர் இல்லப்பா ) ரகம் .

மொத்தத்தில், குடும்பத்துடன் தாரளமாய் பார்க்கும்வண்ணம் அழகான , அமைதியான திரைப்படம்தான் BIG .  டாம் ஹேங்சின் ரசிகர் நீங்களென்றால் இத்திரைப்படத்தினை தவறாது டவுன்லோடி பார்த்துவிடுங்கள் . ஏனென்றால் இளமைக்காலங்களில் டாம் ஹேங்சின் படங்களில் பெஸ்ட் என்று இதைச்சொல்லலாம் . இந்த படத்திற்காகத்தான் முதன்முதலில் ஹேங்ஸ் , ஆஸ்கார் நாமிநேசனுக்கு சென்றார் . இந்த படம் 1980 -90 களில் வந்த படங்களிலேயே ஒரு சென்சேசனல் வெற்றி எனலாம் . மேலும் ஒரு பெண் இயக்குநர் இயக்கிய படம் 100 மில்லியன் வசூல் எடுத்தது இந்தப்படம் தான் . இந்த படத்திற்குபின் 6 வருடங்கள் ஹேங்சின் படங்கள் பெரிய அளவில் எடுபடவில்லை . அதன்பின்  பிலாடெல்பியா எனும் திரைப்படத்தின்மூலம் ரீஎன்ட்ரி கொடுத்தார் தலைவர் .இப்படத்தினை ஏற்கனவே பார்த்தவர்கள் , இதன் நீக்கப்பட்ட காட்சிகள் மற்றும் சில காட்சிகள் இணைக்கப்பட்ட EXTENDED VERSION டவுன்லோடி பார்க்கத்தவறாதிர்கள் .

படம் வெளிவந்த ஆண்டு – 1988 .


தொடர்புடைய இடுகைகள்









உங்கள் விருப்பம்

9 comments:

  1. "கில்"மா இல்லாதது நல்லதுமா...

    ReplyDelete
    Replies
    1. சிலர் கில்மா மேலே கிறுக்குப்பிடித்து திரிகிறார்கள் அண்ணா .

      Delete
  2. சமூகக் கடமையை ஆற்றிய நண்பர்க்கு நன்றி!!

    ReplyDelete
    Replies
    1. வருகைக்கும்மகருத்துக்கும் நன்றி அண்ணா

      Delete
  3. Big தான் உங்கள் பதிவு
    தமிழ் மணம் 4

    ReplyDelete
    Replies
    1. இதுவே big என்றால் எப்டிணே ? இன்னும் பெரிய பெரிய big பதிவெல்லாம் எழுதிட்டேன் .

      Delete
  4. ஹை கட்டாயம் பார்க்க வேண்டிய படம்.. தான் மேக்..
    சமீபத்தில்
    அடியேன் ஜாக் விக் பார்த்தேன் நீங்கள்?

    ReplyDelete
  5. தமிழ் new ன் மூலம் இதுதானா ,இருந்தாலும் நம்ம ஊரில் இப்படிப்பட்ட வரவேற்பில்லை !
    த ம 7

    ReplyDelete