என்னை அறிந்தால் – சினிமா விமர்சனம்

எச்சரிக்கை – இது முழுக்கமுழுக்க தல மற்றும் கௌதம் பற்றிய பதிவு . தல ரசிகர்கள்  மட்டும் தொடர்ந்து படிக்கவும் .

ஒரு ஹீரோவின் ரசிகராய் இருக்கும் விமர்சகன் , அந்த ஹீரோவின் முதல்நாள் முதல் காட்சியைப்பார்த்துவிட்டு விமர்சனம் எழுதவேண்டும் என்று துடிப்பதில் ஆச்சரியமிருக்காது . அதுவும் மிகப்பிடித்த ஒரு இயக்குநரின் படத்தில் , மிகமிகப்பிடித்த நடிகர் நடித்த படம் வெளியானால் சொல்லவேண்டுமா ? ஒரு திரைப்பட விமர்சகனாய் எத்தனையோ படங்களுக்கு விமர்சனம் எழுதியிருந்தாலும் தல படத்துக்கு எழுதும் விமர்சனம் தான் எனக்கு மனநிறைவைக்கொடுக்கும் . காரணம் அஜித் எனும் நடிகனைக்காட்டிலும் அஜித் எனும் மனிதனை அதிகமாய் விரும்பும் ரசிகனுள் நானும் ஒருவன் . இதுதான் என்னுடை முதல் ‘தல’ விமர்சனம்  , அதனால் கொஞ்சம் ஸ்பெஷல் மற்றும் அதிகம் .

ட்ரென்ட் செட்டர் எனும் ஆங்கில வார்த்தை அடிக்கடி தற்போதைய தமிழ்சினிமாவில் பயன்படுத்தப்படுகிறது . கொஞ்சம் பொறுமையாய் யோசித்தால் , ட்ரென்ட் செட்டர் என்பதன் தற்கால தமிழ்சினிமாமுன்னோடி ‘தல’ என்பது புரியும் . பில்லா திரைப்படத்தின் ட்ரெய்லரும் அதைத்தொடர்ந்த ஓபனிங்கும் சூப்பர்ஸ்டாருக்கு சமமாய் இருந்தது எனலாம் . பில்லா திரைப்படத்தின் இசைத்தகடு வெளிவந்தபோது , சொங்கிக்கிடந்த ஆடியோக் கம்பனிகளின் விற்பனை மறுபடியும் சூடுபிடிக்கத்துவங்கியது .எங்களின் சிற்றூரில் இருக்கும் மூன்று திரையரங்குகளில் , முதன்முறையாக இரண்டு தியேட்டர்களில் ஒரேநேரம் ரிலிசான படம் பில்லா . அடுத்து ‘மங்காத்தா’வின் வழியேதான் டீசர் எனும் முன்னோட்ட ட்ரைலர் பயங்கரமாக பரவ ஆரம்பித்தது . ரஜினிக்குப்பின் ஆன்டிஹீரோ எனும் அந்தஸ்து அஜித் என்பவருக்கு மட்டும்தான் பொருந்தும் என உலகறியச்செய்த படம் மங்காத்தா. சூப்பர்ஸ்டாரே , என்னுடைய படத்திற்கு வில்லனாக அஜித் இருக்கவேண்டும் என்று பேட்டிகொடுத்திருந்தார் . எங்கு பார்த்தாலும் மங்காத்தாடா என்று பட்டிதொட்டியெங்கும் பட்டாசு கிளப்பிய திரைப்படம் அது . தலயின் 50 என்பதாலோ என்னவோ , தமிழ்நாட்டின் திரையரங்குகளில் மங்காத்தா வெளிவந்தபோதுதான் உண்மையான திருவிழாக்கள் நடந்தது. அதனைத்தொடர்ந்து பில்லா -2 டீசர் ,YOUTUBE -ல் இந்திய அளவில் ரெக்கார்டு பிரேக் . உலகளவில் அதிக திரையரங்குகளில் வெளியான முதல் இந்தியப்படம் , ரஷ்யாவின் ஜார்ஜியாவில் கூட படம் ரிலிஸ் என்று அதிரவைத்தது. அதைத்தொடர்ந்து ஆரம்பம் படத்தின் டீசர் ரிலிஸ் அன்று இரவே யூட்யுப்பே ஸ்தம்பித்தது எல்லாம் பழைய கதை . ஆரம்பம் படத்திற்கு சேலத்தில் டிக்கெட் கிடைக்காமல் , ஆத்தூருக்கு அரைமணிநேரத்தில் சென்று படம் பார்த்ததெல்லாம் இன்றும் நினைவில் இருக்கிறது . அதன்பின் ‘தல’யின் எதிர்பாராத என்ட்ரி தான் வீரம் .அதுவரை கோட் , சூட் , ரேபான் கிளாஸ் , ஸ்டைலிஷ் கேரக்டர்கள் என இருந்த தலயை இழுத்துவந்து வெள்ளைவேட்டி , சட்டை சகிதம் பக்கா லோக்கலாக இறங்கி அடிக்க வைத்திருந்த படம் வீரம் . பெரும்பாலும் அஜித் படங்களை விரும்பாத என் அம்மா கூட , வீரம் சூப்பாராக இருக்கு என்றுகூறியிருந்தார் .( ட்விட்டர் ட்ரெண்ட் தாக்குதல் , எங்கள் ஊரின் மல்டிபிளக்ஸ் திரை கிழிப்பு போன்ற அஜித்- விஜய் பிரச்சனைகளை எழுதவிருப்பமில்லாததால் அதையெல்லாம் விட்டாச்சு ) .என்னை அறிந்தால் டீசரின் லைக்குகள் மற்றும் பார்வையாளர்கள் எண்ணிக்கை என , இந்திய அளவில் முதலிடம் ஆக்கினார்கள் . அதாரு அதாரு சிங்கில் ட்ராக் , APPLE I TUNES – ல் நம்பர் 1 ஆக்கி , SONY இசை நிறுவனத்துக்கே ஒரு ஜெர்க் கொடுத்தார்கள் . இவற்றின் பெயர்தான் ட்ரெண்ட் . இதை உருவாக்குபவர்தான் ட்ரெண்ட் செட்டர் .

இப்போது மேலே கூறியுள்ள படங்களில் மங்காத்தாவை வேறு ஆக்டர் செய்திருக்கிறார் என்று வைத்துக்கொள்ளுங்கள் . வெங்கட்பிரபுவின் முந்தைய படங்களைப்போல் சுமாராய் கல்லா கட்டி இருக்கும் . பில்லா -2 , வேறு நடிகர் மட்டும் நடித்திருந்தால் கிழித்துத்தொங்கவிட்டிருப்பார்கள் . ஆரம்பம் படமும் கிட்டத்தட்ட அதேநிலைதான் . ‘தல’யை தவிர்த்திருந்தால் அஞ்சானுக்கு இணையாக ஆரம்பம் ஓடிருக்கும் , தியேட்டரில் இல்லை . இணையத்தில் . வீரம் படத்தை வேறு நடிகர் என்றால் வழக்கமான மசாலா குப்பை , துளிகூட லாஜிக் இல்லை , மொக்கை காமெடி படம் என தேசிங்குராஜா லிஸ்ட்டில் சேர்த்திருப்பார்கள் . கௌதம் இயக்கத்திலோ , வெறும் ஹாரிசின் இசைக்காகவோ என்னை அறிந்தால் டீசரோ , சிங்கிள் ட்ராக்கோ ட்ரெண்ட் பிடித்திருக்காது என்று எல்லோருக்கும் தெரியும் . இதன் பெயர் தான் ட்ரெண்ட்செட்டர் . இதுதான் அஜித் . இந்த படங்களின் வெற்றி என்பது ரசிகர்கள் தலயின் மீது வைத்திருக்கும் கண்மூடித்தனமான அன்பின் பிரதிபலிப்பு . படம் நல்லா இருந்தால் மட்டும் தான் ஓடும் என்பதெல்லாம் அஜித்திடம் எடுபடாது . இன்றைய நிலையில் அஜித்தின் படங்கள் எவ்வளவு மொக்கையாக இருந்தாலும் கல்லா கட்டிவிடும் என்பது நிதர்சனம் . கடைசியாக வெளிவந்த 4 படங்களும் 100 கோடி வசூலைத்தாண்டி இருக்கிறது .

இதற்கெல்லாம் காரணம் என்ன ? படம் அருமை என்பதாலா ? ஒரு மெக்கானிக் , தன்னுடைய ரேஸ் ஆசைக்கு ஸ்பான்சர் கிடைக்காமல் , ஏதாவது பார்ட் டைம் வேலை செய்யலாம் என்று நினைத்து சினிமாவினுள் நுழைந்து இந்தளவு புகழடைந்தார் என்பதெல்லாம்  விக்ரமன் படத்தில் மட்டுமே சாத்தியம் . நீங்கள் கேட்கலாம் , சூப்பர்ஸ்டார் கூட தான் கன்டக்டராக இருந்து சினிமாவில் இவ்வளவு பெரிய இடத்தை அடைந்தார் என்று . ஆனால் சூப்பர் ஸ்டாரின் ஆசை , கனவு எல்லாமே அப்போதே சினிமா தான் . ஆனால் தல , 2004 வரை சினிமா என்பது பணம் சம்பாதிக்க மட்டும் என்ற கொள்கையில்தான் இருந்தார்  . முதுகெலும்பு சுக்குநூராய் போய் எழுந்து நடக்கவே ஒரு வருடம் ஆகும் என காலண்டரில் தேதி குறித்துவிட்டு சென்ற டாக்டருக்கு , ஒரே மாதத்தில் அவருடைய ஹாஸ்பிடலுக்கு நடந்து சென்று நன்றிகூறிவிட்டு திரும்பியவர் . அவரின் கஷ்டகாலத்தில் தான் ரசிகர்களைப்பற்றி நன்று உணர்ந்தார் . ரசிகர்களை நண்பர்களாக , சகோரதரர்களாக நடத்தினார் . அதுமுதல் அவரின் மாற்றங்கள் எல்லாம் ஊரறிந்ததே .  நரைத்தலையன் , தாத்தா என்றெல்லாம் தலயை சிலர் கிண்டல் செய்யும்போது சிரிப்புத்தான் வருகிறது . உண்மையை மறைத்து , தலைக்கு டை அடித்துக்கொண்டு இளமையாக மினுக்கிக்கொண்டு திரியும் ஆட்களுக்கும்முன் , இதான் நான் என்று நெஞ்சை நிமிர்த்துக்கொண்டு வரும் அந்த தில் , தமிழில் தலயின் சமகால நடிகர்களுக்கு வருமா என்பது படுசந்தேகம் . வக்கற்றவர்கள் தான் தங்களின் இயலாமையை மறைக்க , மற்றவர்களின் மேல் இல்லாத ஒரு கறையை பூசப்பார்ப்பார்கள் . தல தனியாளை இருந்தால் பூசி மறைக்கலாம் . இங்கு அவருக்கொன்று என்றால் துவம்சம் செய்ய பல லட்சக்கணக்கான இளைஞர்கள் இருக்கிறார்கள் .

சரி , அப்படியே கௌதமின் வரலாற்றையும் கொஞ்சம் ஆராயலாம் . மின்னலே எனும் ப்ளாக்பஸ்டரை தமிழ்சினிமாவே எதிர்பாராத வேளையில் கொடுத்தார் . ஹாரிசின் மனதை உருக்கும் இசை , அப்படத்தின் மாபெரும் தூணாய் இருக்கும் . பூப்போல் ரிங்டோனை வைக்காத மொபைலே இல்லை என்று அடித்துக்கூறலாம் . அதுவரை காதல் சினிமா என்றாலே அண்ணன் பிரச்சனை , அப்பா பிரச்சனை , ஆயா பிரச்சனை எனப்போய்க்கொண்டிருந்த கதையில் , ஒருபுதுவிதமான காதலைக்கொடுத்திருப்பார் . டெம்ப்ளேட் என்னவோ பழசாயிருந்தாலும் , திரைக்கதை புத்தம் புதுசு . மின்னலே பின் மேடியை கனவில் நினைக்காத லேடியே இல்லை என்ற நிலைக்கு மாதவனை உயரத்தில் நிறுத்தினார் கௌதம் . அதன்பின் அதேதிரைப்படத்தை இந்தியில் REHNAA HAI THEIR TERRE DIL MEIN என்று இயக்கினார் . அங்கும் ஹீரோ மாதவன் , அப்பாஸ் கேரக்டரில் சயிப் அலிகான் நடித்திருந்தார் . என்ன நேரமோ , படம் அங்கு ஊத்திக்கொண்டது . அதன்பின் லேட்பிக்கப்பாக யூத்துகளின் கம்ப்யூட்டரில் உலவிக்கொண்டிருந்தது . அதற்கடுத்து 2003 ல் இவரின் இயக்கத்தில் வெளிவந்த காக்க காக்க , சூர்யா என்று சினிமாத்துறையில் இருப்பவர்களுக்கே பெரும்பாலும் தெரியாத ஒரு நடிகரை பாக்ஸ் ஆபிஸ் மன்னனாக மாற்றியது . அதிலும் ஹாரிஸின் இசை அட்டகாசம் . முதன்முதலாய் வில்லனுக்கு இருக்கும் பவரைத்தனியாய் கொணர்ந்த படம் இதுதான் . அதிலும் கிளைமேக்ஸ் டச்சில் தான் படம் கொண்டாடப்பட்டது . தமிழ்நாடு காவல்துறை அதிகாரிகளே பாராட்டிய திரைப்படம் காக்க காக்க .  அப்புறம் என்ன , இப்படத்தையே வெங்கடேஷ் மற்றும் அசினை வைத்து தெலுங்கில் கர்சனா என்ற பெயரில் இயக்கினார் . அங்கும் படம் முரட்டு ஹிட் . பின்தான் கமலை வைத்து வேட்டையாடு விளையாடு . படத்தை முதலில் தயாரித்த ரோஜா கம்பைன்ஸ் காஜாமைதின் என்பவர் , கடன் தொல்லையால் தற்கொலை முயற்சியெல்லாம் எடுத்தார் . அதற்கு காரணம் கௌதம் கிடையாது( கமலின்  கால்ஷிட் பிரச்சனை மற்றும் படம் நீண்டகாலம் தயாரிப்பில் இருந்தது ) . பின்னர் மாணிக்கம் என்பவரின் 7^TH CHANNEL என்ற பேனரில் படம் ரிலிசானது . படம் தாருமாறான வெற்றி . பாக்ஸ் ஆபிசை கதிகலக்கியது . மீண்டும் ஒரு போலிஸ் ஸ்டோரி  எடுத்து அதிலும் மாபெரும் வெற்றி பெற்றார் கௌதம் . என்ன நினைத்தாரோ தலைவர் , வேட்டையாடு விளையாடை மட்டும் வேறுமொழிகளில் ரீமேக்கவில்லை . இது 7 எனும் ஆங்கிலப்படத்தின் காப்பி என்றெல்லாம் கூறினார்கள் . எனக்கொன்றும் அப்படியெல்லாம் தெரியவில்லை . சீரியல்கில்லர் படங்களில் நம்பர் 1 ,SEVEN  இருக்கலாம் . அதற்காக அதைத்தொடர்ந்து வரும்படங்கள் எல்லாம் SEVEN-ன் காப்பி என்று அலம்புவதில் எனக்கு உடன்பாடில்லை .

இதன்பின் சரத்குமாரை வைத்து குறுகிய காலத்தில் இயக்கிய திரைப்படம்தான் பச்சைக்கிளி முத்துச்சரம் . வழக்கம்போல போலிஸ் கான்செப்ட் என்றுநினைத்து தியேட்டர்க்கு சென்றவர்களெல்லாம் கதறிக்கொண்டு வெளியே வந்தனர் . DERAILED எனும் நாவலைத்தழுவி எடுக்கப்பட்டது என்று கௌதம் கூறினாலும் , இப்படம் அதேநாவலை வைத்து வெளிவந்த ஆங்கிலப்படத்தின் சாயல் பெரும்பாலும் இருந்தது . ஹிந்தியில் , இதேநாவலை தழுவி எடுக்கப்பட்ட THE TRAIN எனும் படமும் இதேமாதிரி இருந்தது என்பதும் குறிப்பிடத்தக்கது . மொத்தத்தில் கௌதமின் முதல் ப்ளாப்பை நிறைவேற்றிய திரைப்படம் பச்சைக்கிளி முத்துச்சரம் (ஏ சென்டர்களில் ஓரளவு சுமாரான ஓட்டம் என்று நினைக்கிறேன் ).

அதன்பின் வாரணம் ஆயிரம் . அப்படி இப்படி என்று கருத்துகள் உலா வந்தாலும் சூரியாவின் கேரியரில் மீண்டும் ஒரு பூஸ்ட் அப்பாக இருந்தது . என்ன , அந்நேரத்தில் தவமாய் தவமிருந்து படம் வந்ததால் , அப்படத்தின் ஸ்டைலிஷ் காப்பி தான் வாரணம் ஆயிரம் என்ற டாக் வந்தது . இருந்தாலும் கௌதம் சிறந்த தமிழ்படத்துக்கான பிலிம்பேர் வாங்கிவிட்டார் . சென்னையின் அனைத்து FM களிலும் அஞ்சல பாடல் படுபிரபலம் . என் கல்லூரியில் கூட , மாணவர்கள் பெரும்பாலும் அந்த பாட்டையே தான் கேட்டுக்கொண்டிருந்தார்கள் . எனக்குத்தெரிந்து பிக் FM-ல் ஒரு ஞாயிறு அன்று மட்டும் 60 முறை அஞ்சல பாடலை ஒலிபரப்பியிருந்தார்கள் . என்ன , இந்த படத்தில் ஹாரிசுக்கும் கௌதமுக்கும் முட்டிக்கொண்டு கழன்டுகொண்டார்கள் . இந்த படத்தில் சூர்யாவின் 6 பேக்கைப்பார்த்து , என்னுடைய அப்போதைய காதலி நீயும் 6 பேக் வைத்திருந்தால் மட்டுமே லவ் தொடரும் என்றதும் , அதைத்தொடர்ந்து ஒவ்வொரு பேக் கடையாக ஏறி அலைந்து 6 பேக்குகள் வாங்கி , அவளிடம் படுகேவலமாய் திட்டு வாங்கியதும் , காதல் புட்டுக்கிட்டதும் இன்றும் என் நினைவில் பசுமையாக இருக்கிறது . ஆனால் முதன்முதலில் 6 பேக் போட்டவர் , அருண்விஜய் தான் .

அதன்பின் விண்ணைத்தாண்டி வருவாயா . படம் வெளிவந்து முதல் வாரம் தியேட்டர்களில் காத்தடித்தது . நான் முதல் நாள் முதல் ஷோ பார்த்துவிட்டு படம் சூப்பர் என்று கமெண்ட் கொடுத்தேன் . நான் அப்போது சென்றபோது தியேட்டர்களில் ஒரு ஈ கூட இல்லை . அடுத்தவாரம் தியேட்டருக்குச்சென்றால் ஒருவாரம் டிக்கெட் புல் என்று அதே சங்கம் தியேட்டரில் சொன்னார்கள் . சிம்புவின் மன்மதன் இமேஜை மாற்றி , மேன்லி லுக்கை கொடுத்த படம் இதுதான் . ஏ.ஆர். ரஹ்மானின் ரசிகர்கள் மறக்கமுடியாத ஒரு இசைத்திருவிழாவாக இந்த திரைப்படம் இருந்தது எனலாம் . அதேநேரம் இப்படம் தெலுங்கில் நாகசைதன்யாவையும் சமந்தாவையும் வைத்து ஒருசேர இயக்கியிருந்தார் . அங்கும்மஎப்படியோ வெற்றிக்கொடி நாட்டிவிட்டார் .

இப்போதுதான் கௌதமுக்கு பிடித்தது சனி . சைக்கோ கில்லர் கான்செப்டில் , இன்செஸ் காட்சிகளெல்லாம் வைத்து , கில்மா படங்களால் செய்யமுடியாத விஷயத்தை தன்னுடைய நடுநிசி நாய்களில் வைத்து எடுத்தார் . தெலுங்கில் ராஜமௌலி இயக்கிய படங்கள் எல்லாம் மெகா பிளாக்பஸ்டர் ஆனபோது ஹீரோக்களின் மத்தியில் ஒரு களேபரம் உண்டானது . அதாவது ராஜமௌலியின் வெற்றிக்கு காரணம் , ஹீரோக்களாகிய நாங்கள்தான் காரணம் என்று அவரின் முந்தைய படங்களில் நடித்த சில நடிகர்கள் பேட்டி கொடுத்திருந்தனர் . அதைக்கேட்டு கொதித்தெழுந்த ராஜமௌலி , தன்னுடைய அடுத்தபடத்தில் ஹீரோக்கள் இல்லாமல் ஒரு ஈயை வைத்து சென்சேசனல் ஹிட்டான நான் ஈ கொடுத்தார் என்ற செய்தியை கேள்விபட்டிருக்கேன் . அதேபோல் தான் நம்ம கௌதமுக்கும் . இசை இல்லாமல் இவரின் படங்களைப்பார்க்க முடியாது என்று யாரோ இவரிடம் சொல்ல , தலைவரும் வரிந்துவாரிக்கட்டி கொண்டு நடுநசிநாய்கள் படத்திற்கு இசையே இல்லாமல் எடுத்திருந்தார் . அதன்பின் பட்ட கேவலங்கள் , அசிங்கங்கள் எக்கச்சக்கம் .அதன்பின் மீண்டும் இந்தியில் EK DEEVANA THA என்று VTV-ஐ ரீமேக்க , அங்கும் அப்படி இப்படி என்று தப்பிப்பிழைத்தது .

மீண்டும் கௌதமின் உச்சத்திற்கு சனிப்பார்வை வீச , நீதானே என் பொன்வசந்தம் இரு மொழிகளில் எடுத்தார் . படம் நல்லாத்தான் இருந்தது . ஜீவாவின் கேரக்டரைசேசன் கொஞ்சம் எசகுபிசகாய் இருந்ததால் , படம்மஊற்றிக்கொண்டது . கடைசியாக இவர் இயக்கத்தில் வெளிவந்த 3 படங்களுக்கும் இவரே தயாரிப்பாளர் என்பதால் கடனில் மாட்டிக்கொள்ள ஆரம்பித்தார் . அதன்பின் இரண்டு படங்கள் இயக்க ஆரம்பித்து ட்ராப் ஆனது , சூர்யா கௌதமை அசிங்கப்படுத்தியது , தல கௌதமுக்கு ஆதரவு கொடுத்தது போன்றவையெல்லாம் நீங்களே படித்திருப்பீர்கள் .

மேலே பார்த்த வரலாற்றின் அடிப்படையில் கௌதமுக்கு இது வாழ்வா , சாவா முயற்சி . தல க்கு நோ பிராப்ளம் . இன்னும் 20 தோல்விகள் கொடுத்தாலும் தாங்கிக்கொள்ளும் மனபக்குவம் , அவரின் ஆஞ்சநேயா படத்தின்போதே ரசிகர்களுக்கு வந்துவிட்டதால் பிரச்சனை இல்லை . இருந்தாலும் விஜய் ரசிகர்களின் தொல்லை தாங்கமுடியாது என்பதால் , அதற்காகவாவது படம் நல்லா இருக்கவேண்டும் என்றுதான் வேண்டிக்கொள்வோம் . எங்களைப்பொறுத்தவரை தல படத்தில் வந்தாலே போதும் . கெஸ்ட் ரோலில் தல நடித்த ஶ்ரீதேவியின் படத்தையே ஹிட்டாக்கிய  ஆட்கள் நாங்கள் . எதிர்பார்ப்புக்கு வழக்கம்போல பஞ்சம் என்பதே கிடையாது . டேய் , போதும்டா . தயவு செஞ்சு படத்தோட கதை என்னன்னு சொல்லுடா ? என்று நீங்கள் கதறிக்கேட்பதால் இத்துடன் முடித்துவிட்டு என்னை அறிந்தால் படத்தைப்பற்றி பார்க்கலாம் .

காக்க‍ காக்க‍ ,வேட்டையாடு விளையாடு , வாரணம் ஆயிரம் ஆகிய மூன்றும் சேர்ந்தால் , அதுதான் என்னை அறிந்தால் . தியேட்ட‍ரில் அஜித்குமார் என பெயர் போடும்போது  பிண்ண‍னியில் என்னை அறிந்தால் ஒலிக்க‍ , அப்டியே கைகால் நரம்புகளில் ஜிவ்வென்று ஏதோ ஒன்று தலையை நோக்கி ஏறி , அப்ப‍டியே தொண்டையின் வழியாக தல எனும் கத்தும்போது கிடைத்த‍து பாருங்கள் ஒரு சுகம் . அப்ப‍ப்பா ! வார்த்தைகளால் சொல்லிமுடிக்க‍முடியாத ஒரு அனுபவம் . இப்ப‍டி ஒரு உன்ன‍த தலவெறியனாய் இருக்கும் என்னை முதல்பாதி உட்காரவைத்து செருப்பால் அடித்த‍து போன்றிருந்தது . இசை ,எடிட்டிங்,திரைக்க‍தை, என ஒன்றில்கூட நான் திருப்தியாகவில்லை . இன்டர்வெல் விட்ட‍தும் வெளியில் வந்து கிட்ட‍த்த‍ட்ட‍ அழுதேவிட்டேன் . அந்தளவு படுதிராபையான முதல்பாதி . அருண்விஜய் மற்றும் தலைக்காக பார்த்துக்கொண்டிருக்க‍வேண்டிய துர்பாக்கியநிலைக்கு தள்ள‍ப்ப‍ட்டிருந்தேன் . போச்சுடா இன்னும் ஒருவாரத்திற்கு பேஸ்புக் ட்விட்ட‍ர் பக்க‍மெல்லாம் போகவேமுடியாது என்கின்ற மனநிலைக்கே வந்துவிட்டேன் . அதன்பின் இரண்டாம் பாதி தொடங்கியது . சொங்கிப்போன மூஞ்சியெல்லாம் டாலடிக்குது என்ற பாடலின் வரிகளுக்கு ஏற்ப ச்ச்சும்மா ந‌ச்சுனு கட்டி இழுத்துட்டு போய்டுச்சி . பொதுவாக கௌதம் மேனனின் படங்கள் முதல்பாதி வேகமாகவும் ஆர்வத்துடனும் செல்லும் . இரண்டாம்பாதி படுத்துத்தூங்கவைத்துவிடும் . ஆனால் என்னை அறிந்தால் அப்ப‍டியே ஆப்போசிட் . எப்ப‍டியோ இரண்டாம்பாதியை பட்டாசாக கொடுத்து தப்பிவிட்டார் கௌதம் . 

இசையமைப்பாளர் ஹாரிஸ் கொடுத்த‍ அற்புதமான பிஜிஎம்களை எப்ப‍டியெல்லாம் மொக்கையாக உபயோகப்ப‍டுத்த‍வேண்டும் என்பதை ந‌ம்மிடம் கௌதம் பாடமே எடுக்கிறார் . எங்கு கிளாசானா இசை வைக்க‍வேண்டும் எங்கு லோக்க‍லான இசையைப்ப‍யன்படுத்த‍வேண்டும் என்பதுகூடவா கௌதமுக்குத்தெரியாது . ஆனால் இந்த பிரச்ச‍னை அனைத்துக்காட்சிகளிலும் இல்லை . சிற்சில இடங்களில் மாத்திரமே . அதாரு அதாரு பாடல் இன்ட்ரோ சாங் என நினைத்துப்போனால் அப்ப‍டியே ;ம்மை ஏமாற்றிவிடுகிறார் கௌதம் . இருந்தாலும் பாடல்கள் எடுக்க‍ப்ப‍ட்ட‍ விதம் அருமை .

திரிஷா பார்ப்ப‍தற்கு அந்த குழந்தையின் அம்மா போலவே இருக்கிறார் . என்ன‍தான் கைவிட்டு நோண்டினாலும் இருக்க‍றதுதான வரும் ? ஆனால் ஆழகிற்கு குறைவில்லை . தானைத்தலைவி அனுஷ்கா லிங்கா படத்தில் யானைத்த‍லைவி போல் இருந்தார் . இதில் மீண்டும் நான்தான் தானைத்த‍லைவி என்று என் மண்டையில் கொட்டி உணர்த்தியுள்ளார் .

எடிட்ட‍ர் பல இடங்களில் தூங்கிக்கொண்டே கத்த‍ரித்திருப்பார் போல . முதல்பாதியை மட்டும் கொஞ்சம் ட்ரிம் பண்ணியிருந்தால் இந்த வருடத்தின் மாபெரும் வெற்றித்திரைப்ப‍டமாக கொண்டாடப்ப‍ட்டிருக்கும் . 

பிரிந்திருந்த கணவன்-மனைவி ஒன்றுகூடினால் எப்படிக்கொஞ்சிக்குலவுவார்களோ , அதுபோல் ஹாரிஸ் - கௌதம் கூட்டணியும் . இப்படத்தின் பாடல்களை ஏற்கனவே மாபெரும் ஹிட்டாக்கியதிலிருந்து பிண்ணனி இசையைப்பற்றிய எதிர்பார்ப்பு எனக்கு எக்கச்சக்கமாய் அதிகரித்திருந்தது . 

ஒளிப்பதிவாளர் டேன் , ஏற்கனவே ஒரு குறும்படத்திற்காக கேன்ஸ் அவார்டெல்லாம் வாங்கியவர் . GO GOA GONE இந்தி படத்திற்கு இவர்தான் ஒளிப்பதிவாளர் .கௌதமின் சற்றுமுன் மாறுது வாநிலை படத்தின் ஒளிப்பதிவாளரும் இவர்தான் . அந்தப்படம் இழுத்துக்கொண்டு இருக்க , என்னை அறிந்தால் வாய்ப்பை அவருக்கு கௌதம் வழங்கினார் . ட்ரைலரிலேயே இவரின் திறமைகள் பாதி வெளிவந்தாலும் , முழுத்திரையில் காணும்போது , அப்பப்பா . அழகான அஜித்தை எவ்வளவு கெத்தாக காட்டமுடியுமோ , அந்த இறுதிவரைச்சென்றுள்ளார் .

அருண்விஜய் - யப்பா ! தலக்கேத்த‍ வில்ல‍ன் . மனுஷர் மிரட்டிருக்காரு . நடிப்ப‍லயும் சரி ஆக்சன்லயும் சரி . அவரோட சினிமா வாழ்க்கைல என்னை அறிந்தால் ஒரு டர்னிங் பாய்ண்ட்னு தாரளமா சொல்ல‍லாம் .

கௌதம் - தயவு செஞ்சு நீங்க இனிமேல் வசனம் எழுதறத விட்ருங்க . ஒன்னும் முடியல . திரைக்க‍தை எழுதுவது எப்ப‍டி ?னு நிறைய புத்த‍கங்கள் இருக்காம் . நல்லா படிங்க . இரண்டாம் பாதி நல்லா இருந்ததால தப்பிச்சிங்க . ஆமா நீங்க என்ன‍ சிம்புக்கு படம் பண்றதா நீனைச்சிங்களா ? இல்ல‍ சூர்யாவுக்கு பன்றமாதிரி ;இனைச்சி பண்ணிங்களா ? இது தல சார் . எதிர்பார்ப்பு இல்லாம படம் பாக்க‍னும்னா எக்க‍ச்ச‍க்க‍ நடிகர்கள் இருக்காங்க . 

Photo Courtasy - Hey Tamil Cinema , Twitter

என்ன‍து தல பத்தியா ? அவரத்த‍விர எவர் நடிச்சிருந்தாலும் இது அட்டுப்ப‍டம்னு சொல்லிருப்பாங்க . அவர் கெட்ட‍ப்ப‍ ரசிக்க‍றதுக்குனே படத்த‍ பாருங்கப்பா . சான்ஸே இல்ல‍ . என்னா ஹான்சம் ! என்னா கெத்து ! என்னா கம்பீரம் ! பார்த்துட்டே இருக்க‍லாம் . ஒரு ப்ரேம்லகூட அவர் அழகு குறையவேயில்லை . அவட் ஆஃப் போகசில்கூட அவரைத்தான் கண்கள் பார்த்துக்கொண்டிருந்தன . பர்பாமென்ஸ் பத்திலாம் சொல்ல‍னுமா ? நாடறிஞ்ச ப்ராடக்டுக்கு எதுக்கு ஆட் ?

மொத்த‍த்தில் முதல்பாதியில் சத்தியதேவ்வின் வாழ்க்கையையும் இரண்டாம் பாதியில் பிரில்லியண்ட் சேசிங் காட்சிகளையும் வைத்து வெளிவந்திருக்கிறது . முதல்பாதி பொறுமை . இரண்டாம்பாதி படுவேகம் . இது தல ரசிகர்களுக்கு .மற்ற‍வர்களுக்கெல்லாம் கண்டிப்பாய் பிடிக்கும் வண்ண‍ம் இருக்கிறது .

தொடர்புடைய இடுகைகள்

ஐ – சினிமா விமர்சனம்

ஆம்பள – சினிமாவிமர்சனம்

டார்லிங் – சினிமாவிமர்சனம்

THE DARKKNIGHT – ஒரு பார்வை

தமிழ் பேய்த்திரைப்படங்கள்– ஒரு பார்வை